Translation: sivasutra

1.1: caitanyam ātmā | 1.2: jñānaṃ bandhaḥ | 1.3: yonivargaḥ kalāśarīram | 1.4: jñānādhiṣṭhānaṃ mātṛkā | 1.5: udyamo bhairavaḥ | 1.6: śakticakrasaṃdhāne viśvasaṃhāraḥ | 1.7: jñānaṃ jāgrat | 1.8: svapno vikalpāḥ | 1.9: aviveko māyā sauṣuptam | 1.10: tritayabhoktā vīreśaḥ

1.11: vismayo yogabhūmikāḥ | 1.12: icchā śaktir umā kumārī | 1.13: dṛśyaṃ śarīram | 1.14: śuddhatattvasaṃdhānād vāpaśuśaktiḥ | 1.15: vitarka ātmajñānam | 1.16: lokānandaḥ samādhisukham | 1.17: śaktisaṃdhāne śarīrotpattiḥ | 1.18: bhūtasaṃdhānabhūtapṛthaktvaviśvasaṃghaṭṭāḥ | 1.19: śuddhavidyodayāc cakreśatvasiddhiḥ | 1.20: mahāhradānusaṃdhānān mantravīryānubhavaḥ

2.1: cittaṃ mantraḥ | 2.2: prayatnaḥ sādhakaḥ | 2.3: vidyāśarīrasattā mantrarahasyam | 2.4: garbhe cittavikāso 'viśiṣṭavidyāsvapnaḥ | 2.5: vidyāsamutthāne svābhāvike khecarī śivāvasthā | 2.6: gurur upāyaḥ | 2.7: mātṛkācakrasaṃbodhaḥ | 2.8: śarīraṃ haviḥ | 2.9: jñānam annam | 2.10: vidyāsaṃhāre tadutthasvapnadarśanam

3.1: ātmā cittam | 3.2: jñānaṃ bandhaḥ | 3.3: kalādīnāṃ tattvānām aviveko māyā | 3.4: śarīre saṃhāraḥ kalānām | 3.5: nāḍīsaṃhārabhūtajayabhūtakaivalyabhūtapṛthaktvāni | 3.6: mohāvaraṇāt siddhiḥ | 3.7: mohajayād anantābhogāt sahajavidyājayaḥ | 3.8: jāgrad dvitīyakaraḥ | 3.9: nartaka ātmā | 3.10: raṅgo 'ntarātmā

3.11: prekṣakāṇīndriyāṇi | 3.12: dhīvaśāt sattvasiddhiḥ | 3.13: siddhaḥ svatantrabhāvaḥ | 3.14: yathā tatra tathānyatra | 3.15: bījāvadhānam | 3.16: āsanasthaḥ sukhaṃ hrade nimajjati | 3.17: svamātrānirmāṇam āpādayati | 3.18: vidyāvināśe janmavināśaḥ | 3.19: kavargādiṣu māheśvaryādyāḥ paśumātaraḥ | 3.20: triṣu caturthaṃ tailavad āsecyam

3.21: magnaḥ svacittena praviśet | 3.22: prāṇasamācāre samadarśanam | 3.23: madhye 'varaprasavaḥ | 3.24: mātrāsv apratyayasaṃdhāne naṣṭasya punar utthānam | 3.25: śivatulyo jāyate | 3.26: śarīravṛttir vratam | 3.27: kathā japaḥ | 3.28: dānam ātmajñānam | 3.29: yo 'vipastho jñāhetuś ca | 3.30: svaśaktipracayo viśvam

3.31: sthitilayau | 3.32: tatpravṛttāv apy anirāsaḥ saṃvettṛbhāvāt | 3.33: sukhāsukhayor bahir mananam | 3.34: tadvimuktas tu kevalī | 3.35: mohapratisaṃhatas tu karmātmā | 3.36: bhedatiraskāre sargāntarakarmatvam | 3.37: karaṇaśaktiḥ svato 'nubhavāt | 3.38: tripadādyanuprāṇanam | 3.39: cittasthitivac charīrakaraṇabāhyeṣu | 3.40: abhilāpād bahirgatiḥ saṃvāhyasya

3.41: tadārūḍhapramites tatkṣayāj jīvasaṃkṣayaḥ | 3.42: bhūtakañcukī tadā vimukto bhūyaḥ patisamaḥ paraḥ | 3.43: naisargikaḥ prāṇasambandhaḥ | 3.44: nāsikāntarmadhyasaṃyamāt kim atra savyāpasavyasauṣumneṣu | 3.45: bhūyaḥ syāt pratimīlanam