Translation: saktavijnana

utthāpanaṃ bodhanaṃ ca cakraviśrāmameva ca viśrāmaḥ pariṇāmaśca tathāgamanameva ca sarveṣu trikaśāstreṣu sūcitaṃ śambhunā svayam tanmadhye kandanāmā ca cakrasthānamiti smṛtam samyag vāyugatiṃ jitvā yāvan madhyagatāṃ nayet śṛṅgāṭakanibhaṃ cakraṃ ṣaḍaraṃ cāparaṃ dhruvam etadrūpaṃ samākhyātaṃ tṛtīyaṃ cintanātmakam tyaktaruddho yadā vāyustadā lakṣaṃ vinirdiśet adhaūrdhve rekhāsaṃyuktā bhujaṃgakuṭilākṛtiḥ satyaṃ virājamānā sā sahasrārkasamaprabhā

etal lakṣaṇam uddiṣṭam utthāpanam ataḥ param prabuddhāṃ cintayecchaktiṃ daṇḍavat parameśvarīm utthāpanaṃ samākhyātaṃ bodhanaṃ paratastathā kaṇṭhasthamacyutaṃ sākṣādrudraṃ tālutale sthitam bodhayitvā vrajed āśu padaṃ cānāśritaṃ śivam svābhāvikaṃ dalaṃ dīptaṃ dravaṃ sthiranabhopamam bindunādaṃ tathā proktaṃ cakradvādaśakaṃ kila viśramet sā mahādevī cakraviśrāma uttamaḥ śiraśca bhramate tasya dṛṣṭisaṃkrāntilakṣaṇam ghūrṇate hṛdayaṃ cāsya samyagvidyāprabhāvataḥ

teṣu teṣu na bhetavyaṃ krīḍati parameśvarī malatrayavikārau bahujanmasu yatkṛtam bhūmikāgamanaṃ proktam antāvasthā tathocyate granthisphoṭaḥ sparśadivyapraharṣo binduspandā nābhikandāt sphuranti nābhicakraviniryātā yadā śaktiḥ prabudhyate yadā sā paramā śaktiḥ sulīnā parame pade śive viśrāmyate śaktistadā viśrāma ucyate tadātmā paramātmatve jñātavyo niścitātmabhiḥ sadā sa varṣate divyam amṛtaṃ jantujīvanam tadā tv āgamanaṃ proktamevaṃ samyak trayodaśa