Translation: ajadapramatrsiddhi

jadājaḍānām apy evaṃ % nāsty asāv iti niścayaḥ naitat svarūpaṃ spṛśati % vastuno jñātṛgāmy adaḥ parāpekṣitayā naika- % rūpatve sattvalaṅghanāt siddhyaty eva viśeṣo 'tra % tāvatā ca prayojanam tadapekṣāṃ vinā bhāvā- % bhāvayor aviśiṣṭatā kuryān nānyas tathāpy artho % nirviśeṣo nijātmani sann arthaḥ syāt svarūpeṇa % nāsatas tu viśiṣyate samam evānayos tena % pratiṣṭhā saṃvidāśrayā abhāvena jaḍenātha % tulyaiva prāgvad ātmani

katham anyasya bhāvasya % pratiṣṭhāspadatām iyāt pratiṣṭhātmakatāṃ gacched % aham ity ātmanā punaḥ vyavasthitiḥ pratiṣṭhā ca % siddhir nirvṛttir ucyate jaḍāḥ prakāśa evāsti % svātmanaḥ svaparātmabhiḥ muktvānvayasya prakāśasya % vimarśarahitātmanaḥ yā svasvarūpe viśrāntir % vimarśaḥ so 'ham ity ayam prāṇādinā niruddho 'ṇuḥ % paramātmā tv akhaṇḍitaḥ eka evānusandhānād % ato 'nyo nopapadyate bhāti paryantavartinyāṃ % bhāsanād adhikaṃ jaḍam

tat prāṇādi prameyaṃ syān % na pramātānyato bhramāt jīve niruddhā tatrāpi % paramātmani sā sthitā sādhitā pratyabhijñāyām % akhyāter jīvatā param prakāśasyātmaviśrāntir % ahaṃbhāvo hi kīrtitaḥ svātantryam atha kartṛtvaṃ % mukhyam īśvaratāpi ca tadakhyātimayaṃ hy etaj % jagannirmātṛteśitā svasaṃvedanaparyāya- % mātṛtattvam anādi tat vyāpitvam anusaṃdhānaṃ % taj jaḍasya na yujyate tenoktam pratyabhijñāyāṃ % tadadvayamayaṃ jagat