Recitation · studio chant

Anuttarashtika

8 verses chanted, karaoke-timed · English shows only where the gate passed

8 versesstudio chant AI voice0.95 mean align0/8 with English

line mode: Sanskrit line-by-line, English follows each verse

सङ्क्रामोऽत्र न भावना न च कथायुक्तिर्न चर्चा न च

ध्यानं वा न च धारणा न च जपाभ्यासप्रयासो न च

तत्किं नाम सुनिश्चितं वद परं सत्यं च तच्छ्रूयतां

न त्यागी न परिग्रही भज सुखं सर्वं यथावस्थितः

saṅkrāmo'tra na bhāvanā na ca kathāyuktirna carcā na ca
dhyānaṃ vā na ca dhāraṇā na ca japābhyāsaprayāso na ca
tatkiṃ nāma suniścitaṃ vada paraṃ satyaṃ ca tacchrūyatāṃ
na tyāgī na parigrahī bhaja sukhaṃ sarvaṃ yathāvasthitaḥ

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.967

संसारोऽस्ति न तत्त्वतस्तनुभृतां बन्धस्य वार्तैव का

बन्धो यस्य न जातु तस्य वितथा मुक्तस्य मुक्तिक्रिया

मिथ्यामोहकृदेष रज्जुभुजगच्छायापिशाचभ्रमो

मा किञ्चित्त्यज मा गृहाण विलस्वस्थो यथावस्थितः

saṃsāro'sti na tattvatastanubhṛtāṃ bandhasya vārtaiva kā
bandho yasya na jātu tasya vitathā muktasya muktikriyā
mithyāmohakṛdeṣa rajjubhujagacchāyāpiśācabhramo
mā kiñcittyaja mā gṛhāṇa vilasvastho yathāvasthitaḥ

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.932

पूजापूजकपूज्यभेदसरणिः केयं कथानुत्तरे सङ्क्रामः

किल कस्य केन विदधे को वा प्रवेशक्रमः

मायेयं न चिदद्वयात्परतया भिन्नाप्यहो वर्तते

सर्वं स्वानुभवस्वभावविमलं चिन्तां वृथा मा कृथाः

pūjāpūjakapūjyabhedasaraṇiḥ keyaṃ kathānuttare saṅkrāmaḥ
kila kasya kena vidadhe ko vā praveśakramaḥ
māyeyaṃ na cidadvayātparatayā bhinnāpyaho vartate
sarvaṃ svānubhavasvabhāvavimalaṃ cintāṃ vṛthā mā kṛthāḥ

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.957

आनन्दोऽत्र न वित्तमध्यमदवन्नैवाङ्गनासङ्गवत्

दीपार्केन्दुकृतप्रभाप्रकरवत् नैव प्रकाशोदयः

हर्षः सम्भृतभेदमुक्तिसुखभूर्भारावतारोपमः

सर्वाद्वैतपदस्य विस्मृतनिधेः प्राप्तिः प्रकाशोदयः

ānando'tra na vittamadhyamadavannaivāṅganāsaṅgavat
dīpārkendukṛtaprabhāprakaravat naiva prakāśodayaḥ
harṣaḥ sambhṛtabhedamuktisukhabhūrbhārāvatāropamaḥ
sarvādvaitapadasya vismṛtanidheḥ prāptiḥ prakāśodayaḥ

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.944

रागद्वेषसुखासुखोदयलयाहङ्कारदैन्यादयो ये भावाः

प्रविभान्ति विश्ववपुषो भिन्नस्वभावा न ते

व्यक्तिं पश्यसि यस्य यस्य सहसा तत्तत्तदेकात्मता-

संविद्रूपमवेक्ष्य किं न रमसे तद्भावनानिर्भरः

rāgadveṣasukhāsukhodayalayāhaṅkāradainyādayo ye bhāvāḥ
pravibhānti viśvavapuṣo bhinnasvabhāvā na te
vyaktiṃ paśyasi yasya yasya sahasā tattattadekātmatā-
saṃvidrūpamavekṣya kiṃ na ramase tadbhāvanānirbharaḥ

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.927

पूर्वाभावभवक्रिया हि सहसा भावाः सदाऽस्मिन्भवे

मध्याकारविकारसंकरवतां तेषां कुतः सत्यता

निःसत्ये चपले प्रपञ्चनिचये स्वप्नभ्रमे पेशले

शङ्कातङ्ककलङ्कयुक्तिकलनातीतः प्रबुद्धो भव

pūrvābhāvabhavakriyā hi sahasā bhāvāḥ sadā'sminbhave
madhyākāravikārasaṃkaravatāṃ teṣāṃ kutaḥ satyatā
niḥsatye capale prapañcanicaye svapnabhrame peśale
śaṅkātaṅkakalaṅkayuktikalanātītaḥ prabuddho bhava

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.941

भावानां न समुद्भवोऽस्ति सहजस्त्वद्भाविता भान्त्यमी

निःसत्या अपि सत्यतामनुभवभ्रान्त्या भजन्ति क्षणम्

त्वत्संकल्पज एष विश्वमहिमा नास्त्यस्य जन्मान्यतः

तस्मात्त्वं विभवेन भासि भुवनेष्वेकोप्यनेकात्मकः

bhāvānāṃ na samudbhavo'sti sahajastvadbhāvitā bhāntyamī
niḥsatyā api satyatāmanubhavabhrāntyā bhajanti kṣaṇam
tvatsaṃkalpaja eṣa viśvamahimā nāstyasya janmānyataḥ
tasmāttvaṃ vibhavena bhāsi bhuvaneṣvekopyanekātmakaḥ

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.945

यत्सत्यं यदसत्यमल्पबहुलं नित्यं न नित्यं च यत्

यन्मायामलिनं यदात्मविमलं चिद्दर्पणे राजते

तत्सर्वं स्वविमर्शसंविदुदयाद् रूपप्रकाशात्मकं

ज्ञात्वा स्वानुभवाधिरूढमहिमा विश्वेश्वरत्वं भज

yatsatyaṃ yadasatyamalpabahulaṃ nityaṃ na nityaṃ ca yat
yanmāyāmalinaṃ yadātmavimalaṃ ciddarpaṇe rājate
tatsarvaṃ svavimarśasaṃvidudayād rūpaprakāśātmakaṃ
jñātvā svānubhavādhirūḍhamahimā viśveśvaratvaṃ bhaja

English withheld. This verse has no gate-PASS English yet — the chant stands alone until it passes.

studio chant · shardulavikridita · align 0.96

Sources & corrections: propose a correction →. chants rendered by the kashaudio pipeline (Vagdhenu AI voice); timings by MMS alignment.